ჩემი გვერდი

ერთხელ მასწავლებელმა თავის მოსწავლეებს აჩვენა თეთრი ფურცელი, ცენტრში შავი წერტილით და ჰკითხა მათ: -რას ხედავთ? - წერტილს.. თქვა პირველმა - შავ წერტილს... თქვა მეორემ - დიდ შავ წერტილს - თქვა ფიქრის შემდეგ მესამემ. მასწავლებელმა ჩაიღიმა და თქვა.. - თქვენ ყველამ დაინახეთ მხოლოდ წერტილი... მაგრამ ვერავინ შეამჩნია დიდი თეთრი ფურცელი... ასეა ცხოვრებაშიც, ყოველთვის გვიადვილდება პატარა შავი ლაქის შემჩნევა, მაგრამ მთავარი შეუმჩნეველი გვრჩება..

"ფიქრისთვისაა გაჩენილი ადამიანი სიკეთეს რომ აკეთებ, ალბათ იმაზეც უნდა დაფიქრდე კაცი, როგორ უნდა გააკეთო ისე, რომ სხვა არაფერი დაშავდეს ამით მაგრამ, ყოველთვის არ გვაქვს ფიქრის დრო და ვაკეთებთ იმას რასაც მოცემულ მომენტში საჭიროება მოითხოვს. ფიქრის საშუალებაც რომ გვქონდეს, ყოველთვის მაინც ვერ განჭვრეტ , მგელს თუ გადაარჩენ, კურდღელს რა მოუვა... ყველა სიტუაცია განსხვავებული შეიძლება იყოს და გულის თქმას და შენს თავს ენდო კაცი სჯობია. "

გააჩერე დრო და იარსებე იმ ადამიანებთან ერთად ვინც მართლა გიყვარს...ვისთან ყოფნაც გიხარია და თავისუფლად გრძნობ მათ გვერდით თავს...ხოლო დანარჩენი ადამიანები უბრალოდ მოძრავ დროში დატოვე...როგორც მარკესი ამბობდა იცხოვრე სიყვარულზე შეყვარებულმა და შენ ბედნიერი იქნები... ყოველთვის გააკეთე ის რაც გინდა...იარსებე და იფიქრე გულით...არ დაკარგო დრო დარდისთვის...მოერიე შენს თავს და შენს ცხოვრებასაც მოერევი.

აბრაამ ლინკოლნის წერილი შვილის პედაგოგს:
"ძვირფასო მასწავლებელო,მან აუცილებლად უნდა იცოდეს, რომ ყველა ადამიანი კეთილი არაა, თუმცა,ისიც მინდა შეიგნოს, რომ ყოველი არამზადის უკან გმირი იმალება,ასწავლეთ მას-ყოველი მტრის წილ, თითო მეგობარი იმალება,შეაგნებინეთ,რა არის დამარცხება და ასწავლეთ გამარჯვებით გულწრფელი აღფრთოვანება,ასწავლეთ წიგნის ფასიცა და ბუნების მშვენიერებით ტკბობის განცდაც,შთააგობეთ-დამარცხება ბევრად უფრო ღირსეულია, ვიდრე ტყუილი და თაღლითობა,მინდა ჩემი შვილი თავის იდეებს იცავდეს მაშინაც, როცა მასა არ ეთანხმება!
მინდა ასწავლოთ გაცინება მოწყენილობის ჟამს,მან უნდა იცოდეს.რომ შეეძლება გაყიდოს თავისი ინტელექტი, მაგრამ სული და გული ადამიანისა არასდროს არ იყიდება!!
თუ ჩემს შვილს თავისი თავის რწმენა ექნება, ის სხვა ადამიანების მიმართაც რწმენას არ დაკარგავს!!
ასწავლეთ, ოღონდ გთხოვთ, გულში ნუ ჩაიხუტებთ, რადგან გახსოვდეთ-მხოლოდ ცეცხლში იჭედება ფოლადი!!!

შვილიშვილი აკვირდება, ბაბუას, რომელიც წერილს წერს, და ეკითხება: - რას წერ ბაბუ, რაც ჩვენ გადაგვხდა თავს? იქნებ ჩემს შესახებ წერ? ბაბუამ შეწყვიტა წერა და ღიმილით უპასუხა შვილიშვილს: - შენ გამოიცანი, მე შენს შესახებ ვწერ. მაგრამ მთავარი ის კი არ არის, რას ვწერ მე, არამედ მნიშვნელოვანი არის ის, თუ რითი ვწერ. ჩემი დიდი სურვილია, რომ როდესაც შენ გაიზრდები, გახდე ისეთი, როგორიც აი ეს ფანქარია… ბავშვმა ცნობისმოყვარე თვალებით შეათვალიერა ფანქარი, მაგრამ განსაკუთრებული ვერაფერი შეამჩნია. - ეს ზუსტად ისეთი ფანქარია, როგორებიც მე ბევრეჯერ მინახავს, წამოიძახა გაუგებრობაში მყოფმა შვილიშვილმა! - ყველაფერი დამოკიდებულია იმაზე, თუ როგორ შევხედავთ ჩვენ ნივთებს. ამ ფანქარს გააჩნია ხუთი თვისება, რომლებიც აუცილებელია შენთვის, რათქმაუნდა თუ გინდა, რომ იცხოვრო ამ სამყაროსთან თანხმობაში. - რა თვისებები? ცნობისმოყვარედ ჰკითხა შვილიშვილმა ბაბუას. პირველი: შენ შეიძლება იყო გენიოსი, მაგრამ არასოდეს არ უნდა დაივიწყო, მმართველი ხელის არსებობის შესახებ. ამ მმართველ ხელს ჩვენ ღმერთს ვეძახით. მუდმივად ამოწმე შენში მისი ნება. მეორე: იმისათვის, რომ ვწერო, მე მიწევს ფანქრის გათლა. ეს ფანქრისთვის საკმაოდ მტკივნეული პროცესია, მაგრამ სამაგიეროდ შემდეგ ის წერს ბევრად გამოკვეთილად და ლამაზად. ასე რომ უნდა შეგეძლოს იმ ტკივილის ჯერ მიღება და მერე ატანა, რომელიც შენს პიროვნებად ჩამოყალიბებას და ზრდას უწყობს ხელს. მესამე: ფანქრით სარგებლობისას, ყოველთვის შეგიძლია წაშალო საშლელით ის რასაც შეცდომად ჩათვლი. გახსოვდეს, რომ – მხოლოდ შეცდომების დაშვებით, მათი გამომჟღავნებით, მათი ანალიზით, შემდეგ საშლელით წაშლით და გამოსწორებით, შეძლებ ძლიერ პიროვნებად ჩამოყალიბებას. ხშირად ეს ერთადერთი გზაა სწორ გზაზე თავის შესანარჩუნებლად. მეოთხე: ფანქარში მთავარი მნიშვნელობა არა ხეს, რომლისაგანაც იგი არის დამზადებული, არა ფორმას, როგორც ის გამოიყურება, არამედ გულს ენიჭება, რომელიც მის შიგნით იმყოფება. ამიტომ მუდამ იფიქრე იმაზე, თუ რა ხდება შენს შიგნით. გახსოვდეს, რომ ადამიანი ღმერთის ხატებაა, ღმერთი კი შენს შიგნით არის და შენი ცხოვრებისეული დანიშნულებაა, რომ აღმოაჩინო შენში – ის. და ბოლოს, მეხუთე: ფანქარი, ყოველთვის ტოვებს კვალს. ასევე ხარ შენც, თითოეული შენი ქმედების შემდეგ ტოვებ გარკვეულ კვალს, რომელიც შემდგომ გარდაისახება შედეგად, ასე რომ ყოველთვის წინასწარ გაიაზრე და ისე გადადგი ნაბიჯი. გახსოვდეს, რომ თითოეულ შენს ნაბიჯს, კარგი იქნება ის თუ ცუდი, შესაბამისი შედეგი მოყვება. ასე რომ ეცადე ყოველთვის წინასწარ გათვლილი და გაწონასწორებული ნაბიჯი გადადგა. შენი ცხოვრება, ნახატია, რომელსაც მხოლოდ შენ ხატავ!